X
تبلیغات
نگین بی بدیل:" مغان" - شعر
پاک و صادق من تمام مردم روی زمین را..من خدا را.. دوست دارم...

عشقين زيروسینده گزديم آختارديم

گونش سئودالي بير مارال دالينجا

من گئتديم،اوگئتدي،گؤزومدن ايتدي...

سئوال ايدي بیتدی سئوال دالينجا

     

نه قده ر اوجالديم  ماوی گؤيلره

او  دوگونلو سيرري بيله بيلمه ديم

توتولدوم غملي بير تبسم كيمي

آغلايا بيلمه ديم  گوله بيلمه ديم

          

قارا بولود  كيمي اوره گيم دولدو

دویغومون ياغيشي سيخيليب قالدی

بوغولموش دويغومون هر آدديمیندا،

هارای لی  بير داملا ييخيلب قالدی    

           

ايندی٬ توفان ازميش بير لؤتكه كيمي

اليم ساحيل لردن اوزولمكده دير

دولموشام بولود تك يورغون گؤزومدن

معنالي داملالار سوزو لمكده دير

      

قفسدن يورولموش يالقيز قوش كيمي

ماوي سمالره اوچماق ایستره م

اولو  يوكسه ليشين  صونسوزلوغوندا

گونش بولاغيندان ايچمه ك ایستره م

 

                                                             امین رسولی
+ نوشته شده در  چهارشنبه 10 خرداد1385ساعت 13:6  توسط یک برنامه ساز  |